VIDEOXOGA FEST 2025: a cita educativa e divertida no mundo dos videoxogos en Galicia
O vindeiro venres 28 de marzo celebramos no noso campus o VIDEOXOGA FEST, o gran festival educativo de videoxogos de Galicia deseñado para unha ampla variedade de públicos: dende estudantes e afeccionados/as ata estudios indie e profesionais do sector.
O festival está organizado por CESUGA e promovido a través do seu Ciclo Superior de Animacións 3D, Xogos e Entornos Interactivos, que forma aos futuros profesionais da industria con docentes expertos en activo e co acceso á mellor aula de videoxogos de Galicia, dotada con equipos e software de última xeración.
O VIDEOXOGA FEST é o punto de encontro para todas as persoas interesadas no fascinante mundo dos videoxogos. O obxectivo é claro: fomentar o talento e o emprendemento no sector gamer e visibilizar a súa contribución á industria.
O programa do festival, que terá lugar no noso campus (C/ Obradoiro, 47-15190, A Coruña), está cheo de actividades, experiencias e moita diversión. Haberá torneos, charlas e mesas redondas con expertos. E un concurso no que os/as creadores/as de videoxogos poderán competir nas diferentes categorías e cuxas propostas serán valoradas por un xurado composto por profesionais do sector.
O festival é unha cita imprescindible e unha oportunidade única para descubrir novos videoxogos, coñecer a profesionais do sector, aprender as últimas tendencias e ferramentas no mundo gamer e disfrutar dun ambiente cheo de creatividade.
A inscrición para participar no concurso do VIDEOXOGA FEST é gratuíta e xa está aberta. As entradas para vir coma público tamén son de balde e xa están dispoñibles.
Máis detalles na web do VIDEOXOGA FEST.
Vémonos o 28 de marzo!
E se queres saber máis do noso Ciclo Superior de Animacións 3D, Xogos e Entornos Interactivos, clica aquí para coñecer o plan de estudos, os requisitos de acceso e moito máis. Tamén podes solicitar información a través deste formulario:
